(Gal) A Leituga


(Gal) A leituga aborda en clave de humor un conflito familiar polo que todos pasamos ou pasaremos nalgún punto das nosas vidas: como actuaremos no momento en que os nosos pais se aproximen á morte? A montaxe dirixida por Víctor Duplá e protagonizada por un elenco de luxo -Antonio Durán Morris, Mercedes Castro, María Vázquez, Xosé Barato e Federico Pérez- achéganos unha reflexión teatral ao respecto dos coidados e as relacións familiares a través de cinco personaxes que se han mover entre a esperanza e a aceptación, o sacrificio e a culpa, o afecto e o rancor.

“A peza fala da responsabilidade que temos, como individuos, de medrar”, indica Duplá, subliñando a universalidade da obra e a proximidade coa que o equipo se implica nela. “Fala tamén de todos os que estamos neste proxecto porque fala do lugar do que saímos todos. Fala da decadencia da familia tal como a entendemos en Occidente”. É unha reflexión compartida polo elenco, como amosan as palabras de María Vázquez: “ten que ver con estar presos nos roles familiares, cunha forma de familia que non funciona”.

A relevancia deses temas nos que afonda A leituga (a dignidade humana, o dereito á vida e o dereito á morte, as lealdades familiares) combínase cun enfoque de comedia que dá á obra un equilibrio sutil e delicado. “Nunha primeira lectura parece unha comedia lixeira”, confesa Xosé Barato, “pero canto máis rascas máis ves a profundidade das almas dos personaxes”. Antonio Durán Morris tamén subliña a humanidade dos roles que interpretan, lonxe da caricatura: “Víctor lévanos máis aló da comedia superficial, penetrando moito nos personaxes”. Así, a obra busca o xogo entre a identificación e a distancia con esas personaxes realistas por parte do público. Tal e como indica Mercedes Castro, que produce a obra ademais de ser unha das integrantes do elenco, “na interpretación, dende dentro vives un drama porque a situación o é, pero dende fóra pode verse doutra maneira”. Federico Pérez resume o proceso retranqueiramente: “nós cremos que vai ser comedia”.

En definitiva, A leituga transita por ese camiño do medio entre a comedia e o drama, o que levará a espectadoras e espectadores a observar entre o riso e a reflexión as consecuencias do reparto dos coidados nas fráxiles costuras dos afectos familiares entre pais e fillos, parellas e irmáns.

O texto é do autor venezolano César Sierra, autor e director caraqueño que se iniciou na escrita dramática e na dirección en 1984. Dende aquela, dirixiu máis de trinta obras en países como Venezuela, Estados Unidos, Arxentina ou España. A leituga estreouse en Nova York, Miami ou Santiago de Chile.

Críticas
Manuel Xestoso, na Erreguete
Radiofusión

Sinopse
Cinco familiares, tres irmáns e as parellas de dous deles, reúnense na casa da irmá maior, Virxinia (Mercedes Castro) e o seu marido, Héctor (Antonio Durán Morris), para celebrar o aniversario do pai, que se atopa en estado de coma desde fai nove anos. O que de primeiras semella unha sinxela celebración, convértese nunha encarnizada poxa por ver quen se responsabiliza dos coidados do pai entre Virxinia e os seus irmáns Vinicio (Xosé Barato), Víctor (Federico Pérez) e a muller deste último, Dora (María Vázquez).

Dossier de prensa (pdf)

Equipo

(Gal) Autor: Cesar Sierra
Tradutor: José Luis López Roca
Elenco: Xose Barato, Mercedes Castro, Antonio Duran ‘Morris’, Federico Pérez, María Vázquez.
Director: Victor Duplá
Axudante de dirección: Tamara Canosa
Escenografía e iluminación: José Manuel Faro ‘Coti’
Música Orixinal: Anxo Graña
Vestiario: Uxía Vaello
Deseño gráfico: Roi Fernández-LeGráfica
Fotografía e vídeo: Lucía Estévez
Comunicación: Sonia Díaz e Cibrán Tenreiro – NóComún
Produción Executiva: Cecilia Carballido
Duración: 80 minutos
Xénero: Comedia dramática
Unha produción de Eme2

En gira

Fechas

06/04/18 Teatro Rosalía de Castro A Coruña (20.30h) Entradas
07/04/18 Teatro Rosalía de Castro A Coruña (20.30h) Entradas
21/04/18 Auditorio García Márquez Mera- Oleiros (20.30h)
04/05/18 Pazo da Cultura de Narón (20.00h) Entradas
05/05/18 Pazo da Cultura de Narón (20.30h) Entradas
24/05/18 Auditorio Municipal de Ourense (20.30h) Entradas
14/06/18 Teatro Principal Santiago- GEP 2018 (19.30h)
01/07/18 Auditorio Municipal Cangas- Mostra Intern Teatro (22.30h)
06/10/18 Auditorio Casa Cultura Vimianzo (21.00h)
13/10/18 Auditorio Municipal de Vilagarcia de Arousa (21.00h)
19/10/18 Auditorio Municipal de Vigo (21.00h)
20/10/18 Auditorio Municipal de Vigo (21.00h)
27/10/18 Casa Cultura Serra de Outes (20.30h)
03/11/18 Teatro Pastor Díaz de Viveiro
16/11/18 Cine Alovi As Pontes (21.00h)

Media

Otras producciones
  • (Gal) Contacreques (Gal) un mundo con voces de contacontos e corpos de monicreques

    (Gal) https://vimeo.com/234367276

    Un espectáculo poético, divertido, áxil e desenfadado dirixido a un público comprendido entre os 3 anos e os 7 anos. Baseado nos contos clásicos O…

  • Titiricuentos

    Titiricuentos : Un espectáculo poético, divertido, ágil y desenfadado dirigido a un público comprendido entre los 3 años y los 7 años.

    El zapatero y los duendes: La magia de un Zapatuende capaz d…

  • La novia de DON QUIJOTE

    Después de la muerte de don Quijote, las esperanzas de Dulcinea del Toboso de casarse como Dios manda están casi tan desaparecidas como el hidalgo. Y más si en realidad te llamas Aldonza Lorenzo, no eres dama, joven ni bella, y trabajas de…

  • Get Back Saben de donde vienen , pero no hacia donde van.

    Son cinco e van nun vagón de metro. Son cinco e teñen moitas cousas en común. Pero eles non o saben. Aínda. Saben que van no mesmo vagón de metro. Saben de onde veñen, pero ningún está moi seguro de cara a onde vai. Son xente normal e…

  • Voaxa e Carmín

    (Gal) Maruxa e Coralia saen da casa, como cada día, maquilladas ate a extenuación e vestidas a toda cor dispostas a dar o seu habitual paseo das dúas polas rúas de Compostela. Pasear, saudar, mercar Sansón e galletas María, piropear aos…

  • Jim y la Isla del Tesoro Música, acción, piratas, un tesoro

    Jim y la Isla del Tesoro es un espectáculo con un lenguaje estético muy cuidado en el que actores y títeres aparecen en escena en una simbiosis perfecta, llena de acción, de música y arropada por una atmósfera que nos traslada inmediata…

+