Entendemos ós medios
para que os medios te entendan.
Teatro del Temple, co que colabora en tarefas de comunicación Eme2 Emoción&Arte, celebrará o próximo 20 de maio, no Teatro Principal de Zaragoza, o décimo quinto aniversario da súa fundación estreando a montaxe dun clásico do surrealismo escénico, El público, de Federico García Lorca. con esta peza de vangarda, poética e cargada de erotismo lorquiano, a compañía aragonesa quere marcar un fito nun decenio e medio de traxectoria baseada en espectáculos de creación contemporánea e textos clásicos universais.
A estrea supón un reto para Teatro del Temple, que xa se achegou en numerosas ocasións ao surrealismo, seguinto a mitos aragoneses como Goya, Buñuel ou Pepín Bello ou aproximándose a artistas como Dalí, Éluard, Picasso, Dora Maar ou Warhol. Dirixida por Carlos Martín e con Gabriel Latorre, Pedro Rebollo, Javier Aranda, Alfonso Pablo, José Carlos Álvarez, Rosa Lasierra e Gema Cruz como intérpretes, El público é un texto enigmático no que un director de teatro é asaltado polas súas pantasmas e obrigado a realizar un espectáculo libre de convencións. Este clásico pon en cuestión a relación convencional entre autor, obra e espectador, e profundiza no "teatro baixo a area" que preconizaba Lorca.
Para esta posta en escena, Teatro del Temple quixo ser rigorosa co espírito e a letra de El público, respectando a súa esencia para desentrañar as claves artísticas e persoais que encerra.
RSS