Trompicallo ultima a produción de 'Violeta Coletas'

Títeres Trompicallo, aos que distribúe Eme2 Emoción&Arte, prepara a inminente estrea do seu novo proxecto, Violeta Coletas. A obra está en pleno desenvolvemento polo equipo habitual da compañía, formado por Marián González e Luís González, que nesta ocasión contan coa colaboración do artista plástico Quique Bordell.

O espectáculo vai destinado ao público infantil, e trata dunha nena que quere medrar porque non lle gusta que lle digan o que quere facer... aínda que un suceso extraordinario vai facer que cambie de opinión. A estrea está prevista para o próximo mes de xuño.