'Obra (No comment)' opta a sete premios María Casares

Obra (No comment), o espectáculo de Producións Teatrais Excéntricas que distribúe Eme2 Emoción&Arte, opta esta noite a sete premios María Casares, os recoñecementos que entrega a Asociación de Actores e Actrices de Galicia ao mellor da pasada temporada. A proposta está nominada aos galardóns ao mellor espectáculo; mellor dirección (Quico Cadaval); mellor actor protagonista (Vítor Mosqueira); mellor escenografía (Baltasar Patiño); mellor texto orixinal (Quico Cadaval); mellor música orixinal (Suso Alonso); e mellor iluminación (Octavio Mas e Baltasar Patiño). Os premios entréganse hoxe ás oito e media no Teatro Rosalía Castro da Coruña.

Por outra parte, Obra (No comment) representarase o sábado 28 (Día Internacional do Teatro) e o domingo próximos no Círculo de Bellas Artes madrileño, con motivo da Muestra de Teatro de las Autonomías.

Sorte para eles para os demais nominados aos María Casares, e feliz día do teatro a todos vós!