Máis de 1.200 persoas asistiron a pasada fin de semana no Teatro Rosalía Castro da Coruña á representación de Infinita, o novo espectáculo da compañía alemá Familie Flöz, que percorre Galicia e Asturias nestes días da man de Eme2 Emoción&Arte. A obra deste singular grupo artístico, que se caracteriza pola súa utilización das máscaras, segue camiño nos próximos días visitando Ourense (venres 26, 20.30h., Auditorio Municipal), Narón (sábado 27, 20.30h., Pazo da Cultura) e Xixón (domingo, 28, 20.30h., Teatro Jovellanos ).

Infinita é unha obra sobre os primeiros e os últimos momentos do xogo final entre a vida e a morte, o tempo no que suceden os maiores milagres: a primeira aparición no mundo, os primeiros pasos valentes e a primeira ousada caída.

Entramos en 2010 con ilusión, con ganas... e cunha visita moi especial a Galicia. Riki López estará mañá no Pazo da Cultura de Narón con Dando el kante, o seu descacharrante espectáculo humorístico-musical. Coa súa ironía e as súas cancións, Riki López asegura que se decidiu polo mundo do espectáculo depois de aprender a poñer cinco posturas na guitarra, e comezou unha carreira imparable: Londres, París, Nueva York, Estambul, Tokio... son cidades que lle gustaría coñecer, pero de momento non pasou de Toro (Zamora).

Por outra parte, a compañía galega Trompicallo abrirá o 2010 xirando sen parar con Violeta Coletas contra as salchichas: Gulp! Nesta ocasión, Marian González e Luís González contan coa colaboración do artista plástico Quique Bordell para contar a historia deunha nena moi especial e moi súa.

Infinita, o novo espectáculo da compañía alemá Familie Flöz, poderá verse en catro cidades de Galicia e de Asturias o próximo mes de febreiro, da man de Eme2 Emoción&Arte. A obra deste singular grupo artístico, que se caracteriza pola súa utilización das máscaras, estará na Coruña os días 19, 20 e 21 dese mes, en Ourense o día 26, en Narón o día 27 e en Xixón o 28.

Infinita é unha obra sobre os primeiros e os últimos momentos do xogo final entre a vida e a morte, o tempo no que suceden os maiores milagres: a primeira aparición no mundo, os primeiros pasos valentes e a primeira ousada caída. O espectáculo é un mosaico físico da vida, composto simple e via todo aquilo que sexa cómico.

Desde Eme2 gustaríanos desexarche moita felicidade nestas datas, e que o ano próximo todos os teus soños e esperanzas se fagan realidade. Este boletín tomarase unhas pequenas vacacións ata o mes de xaneiro.

Que teñas un 2010 cheo de emoción e de arte! Felices festas!

Infinita, o novo espectáculo da compañía alemá Familie Flöz, poderá verse en catro cidades de Galicia e de Asturias o próximo mes de febreiro, da man de Eme2 Emoción&Arte. A obra deste singular grupo artístico, que se caracteriza pola súa utilización das máscaras, estará na Coruña os días 19, 20 e 21 dese mes, en Ourense o día 26, en Narón o día 27 e en Xixón o 28.

Infinita é unha obra sobre os primeiros e os últimos momentos do xogo final entre a vida e a morte, o tempo no que suceden os maiores milagres: a primeira aparición no mundo, os primeiros pasos valentes e a primeira ousada caída. O espectáculo é un mosaico físico da vida, composto simple e via todo aquilo que sexa cómico.

Eme2 Emoción&Arte acaba de incorporar dous novos espectáculos á súa carteira de distribución. Por unha parte, Teatro Meridional recupera o seu éxito Miguel Hernández, no centenario do nacemento do poeta levantino; por outra, a compañía andaluza Teatro del Velador presenta Dröppo, un espectáculo de 'teatro bruto' sobre a emigración. En ámbolos dous espectáculos Eme2 comparte tarefas de distribución con JP Producciones.

Dröppo é un novo espectáculo de 'teatro bruto' da compañía Teatro del Velador. No seu transcorrer presenciamos un día na vida dun grupo de emigrantes nunha cidade calquera. Vémolos habitar arrombados entre trastos inútiles, perseguindo o soño de alcanzar unha vida mellor no mundo desenvolvido. Os personaxes desta casa-habitación son apátridas solitarios, de idade inverosímil, nin vellos nin novos ou, ás veces, demasiado acabados ou demasiado tenros, autistas por deformación e artistas solícitos nas súas tarefas, e, sen embargo, de súpeto poden caer na conta de que están vivos.

Mentres, Miguel Hernández volve aos escenarios no centenario do nacemento do poeta. Teatro Meridional recupera o espectáculo dez anos depois, e volve a ocupar a pel e a palabra dun personaxe, dunha persoa, que percorre o caos da súa vida persoal e da época social que lle tocou vivir. Sempre coa palabra como xogo e guía nunha experiencia digna de ser pensada e sentida con calma, a obra mostra a alegría e a emoción producidas ao coñecer como realidade e poesía se entrelazan de xeito luminoso neste especialísimo poeta.

Ónfalo Teatro estreará o próximo día 18 de novembro o seu espectáculo Neuras. O bautismo desta novidosa proposta escénica vaise levar a cabo no Auditorio de Cangas do Morrazo.

Neuras é unha comedia con números musicais, de cabaré e de maxia. O espectáculo baséase nun estilo formal impecable e nunha linguaxe escénica contemporánea. Os temas polémicos que aborda están tratados desde unha textualidade expositiva que tamén é moi contemporánea e que dá pé a xogos moi diversos alén do realismo. Unha colaxe de secuencias que flutúan entre a sitcom televisiva e o music hall.